Gold Rate Chennai: தங்கம் விலை தாறுமாறு உச்சம்... சவரன் ரூ.65,840-க்கு விற்பனை!

தங்கம் விலை வரலாறு காணாத அளவுக்கு தாறுமாறான உச்சத்தை தொட்டுள்ளது மக்களுக்கு பேரதிர்ச்சியை ஏற்படுத்தி உள்ளது. கடந்த மூன்று தினங்களில் மட்டும் சவரனுக்கு ரூ.1700 அளவில் உயர்ந்துள்ளது. தற்போது, ஆபரணத் தங்கம் ரூ.66,000-ஐ நெருங்கும் நிலையில் உள்ளது.

Friday March 14, 2025 , 2 min Read

தங்கம் விலை வரலாறு காணாத அளவுக்கு தாறுமாறான உச்சத்தை தொட்டுள்ளது மக்களுக்கு பேரதிர்ச்சியை ஏற்படுத்தி உள்ளது. கடந்த மூன்று தினங்களில் மட்டும் சவரனுக்கு ரூ.1700 அளவில் உயர்ந்துள்ளது. தற்போது, ஆபரணத் தங்கம் ரூ.66,000-ஐ நெருங்கும் நிலையில் உள்ளது.

சென்னையில் வியாழக்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.55 உயர்ந்து ரூ.8,120 ஆகவும், ஒரு சவரன் விலை ரூ.440 உயர்ந்து ரூ.64,960 ஆகவும் இருந்தது. அதேபோல், 24 காரட் சுத்தத் தங்கம் 1 கிராம் விலை ரூ.60 உயர்ந்து ரூ.8,858 ஆகவும், சவரன் விலை ரூ.480 உயர்ந்து ரூ.70,864 ஆகவும் இருந்தது. இந்த நிலையில், தங்கம் விலை கடுமையாக உயர்ந்துள்ளது.

தங்கம் விலை நிலவரம் - வெள்ளிக்கிழமை (14.3.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.110 உயர்ந்து ரூ.8,230 ஆகவும், ஒரு சவரன் விலை ரூ.880 உயர்ந்து ரூ.65,840 ஆகவும் உள்ளது. அதேபோல், 24 காரட் சுத்தத் தங்கம் 1 கிராம் விலை ரூ.120 உயர்ந்து ரூ.8,978 ஆகவும், சவரன் விலை ரூ.960 உயர்ந்து ரூ.71,824 ஆகவும் இருக்கிறது.

வெள்ளி விலை:

சென்னையில் இன்று (14.3.2025) 1 கிராம் வெள்ளி விலை ரூ.2 உயர்ந்து ரூ.112 ஆகவும், ஒரு கிலோ வெள்ளி விலை ரூ.2000 உயர்ந்து ரூ.1,12,000 ஆகவும் விற்பனை ஆகிறது.

காரணம் என்ன?

சர்வதேச பொருளாதார சூழல், ரூபாய் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. தற்போது டாலருக்கு நிகரான ரூபாய் மதிப்பு சற்றே மீண்டெழுந்து வந்தாலும், அமெரிக்காவின் பொருளாதாரக் கொள்கைகளின் எதிரொலியாக சர்வதேச பங்குச் சந்தைகளில் தொடர்ந்து தடுமாற்றம் நிலவுகிறது.

இந்தப் பின்னணியில், பாதுகாப்பான முதலீடு என்ற வகையில் மீண்டும் தங்கத்தின் தேவை அதிகரிக்கத் தொடங்கியிருக்கிறது. இதன் காரணமாக, ஆபரணத் தங்கத்தின் விலை மீண்டும் வரலாறு காணாத அதிகரிக்கத் தொடங்கியுள்ளது. இந்தப் போக்கு தொடரலாம் என்று அஞ்சப்படுகிறது.