Gold Rate Chennai: ரம்ஜானில் வரலாற்று உச்சம்: ரூ.67,400-ஐ தொட்டது தங்கம் விலை!

ரம்ஜான் தினமான இன்று வரலாறு காணாத புதிய உச்சத்தை ஆபரணத் தங்கம் எட்டியுள்ளது. சென்னையில் சவரன் தங்கம் விலை ரூ.67,400-ஐ எட்டியுள்ளது நகை வாங்குவோர் மத்தியில் பெரும் கலக்கத்தை ஏற்படுத்தியுள்ளது.

Monday March 31, 2025 , 2 min Read

ரம்ஜான் தினமான இன்று வரலாறு காணாத புதிய உச்சத்தை ஆபரணத் தங்கம் எட்டியுள்ளது. சென்னையில் சவரன் தங்கம் விலை ரூ.67,400-ஐ எட்டியுள்ளது நகை வாங்குவோர் மத்தியில் பெரும் கலக்கத்தை ஏற்படுத்தியுள்ளது.

சென்னையில் சனிக்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.20 உயர்ந்து ரூ.8,360 ஆகவும், ஒரு சவரன் விலை ரூ.160 உயர்ந்து ரூ.66,880 ஆகவும் இருந்தது. அதேபோல், 24 காரட் சுத்தத் தங்கம் 1 கிராம் விலை ரூ.22 அதிகரித்து ரூ.9,120 ஆகவும், சவரன் விலை ரூ.176 உயர்ந்து ரூ.72,960 ஆகவும் இருந்தது. தற்போது தங்கம் விலை புதிய உச்சம் கண்டுள்ளது.

தங்கம் விலை நிலவரம் - திங்கள்கிழமை (31.3.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.65 உயர்ந்து ரூ.8,425 ஆகவும், ஒரு சவரன் விலை ரூ.520 உயர்ந்து ரூ.67,400 ஆகவும் இருக்கிறது. அதேபோல், 24 காரட் சுத்தத் தங்கம் 1 கிராம் விலை ரூ.70 அதிகரித்து ரூ.9,190 ஆகவும், சவரன் விலை ரூ.560 உயர்ந்து ரூ.73,520 ஆகவும் உள்ளது.

வெள்ளி விலை:

சென்னையில் இன்று (31.3.2025) 1 கிராம் வெள்ளி விலை ரூ.113 ஆகவும், ஒரு கிலோ வெள்ளி விலை ரூ.1,13,000 ஆகவும் விற்பனை ஆகிறது.

காரணம் என்ன?

சர்வதேச பொருளாதார சூழல், ரூபாய் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. தற்போது டாலருக்கு நிகரான ரூபாய் மதிப்பு தடுமாற்றத்துடன் காணப்படுகிறது. அமெரிக்காவின் பொருளாதாரக் கொள்கைகளின் எதிரொலியாக சர்வதேச அளவில் வர்த்தக தடுமாற்றங்கள் நிலவுகின்றன. இன்று ரம்ஜானை ஒட்டி இந்திய பங்குச் சந்தைக்கு விடுமுறை என்றாலும், கடந்த வாரத்தில் பங்குச் சந்தையில் கடும் வீழ்ச்சி நிலவியது. பாதுகாப்பு கருதி தங்கத்தின் மீது முதலீடு செய்வதில் முதலீட்டாளர்கள் தீவிரம் காட்டி வருகின்றனர். இதனால், தங்கத்தின் தேவை அதிகரித்து ஆபரணத் தங்கம் புதிய உச்சத்தைத் தொட்டுள்ளது.