Gold Rate Chennai: ஷாக் மேல் ஷாக்... ரூ.65,000-ஐ நெருங்கியது தங்கம் விலை!

நகை வாங்கும் மக்களுக்கு பெரும் அதிர்ச்சி தரும் தகவலாக, ஆபரணத் தங்கத்தின் விலை ரூ.65,000-ஐ நெருங்கியுள்ளது. கடந்த இரு தினங்களில் மட்டும் சவரனுக்கு ரூ.800 அதிகரித்து இருப்பது கவனிக்கத்தக்கது.

Thursday March 13, 2025 , 2 min Read

நகை வாங்கும் மக்களுக்கு பெரும் அதிர்ச்சி தரும் தகவலாக, ஆபரணத் தங்கத்தின் விலை ரூ.65,000-ஐ நெருங்கியுள்ளது. கடந்த இரு தினங்களில் மட்டும் சவரனுக்கு ரூ.800 அதிகரித்து இருப்பது கவனிக்கத்தக்கது.

சென்னையில் புதன்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.45 உயர்ந்து ரூ.8,065 ஆகவும், ஒரு சவரன் விலை ரூ.360 உயர்ந்து ரூ.64,520 ஆகவும் இருந்தது. அதேபோல், 24 காரட் சுத்தத் தங்கம் 1 கிராம் விலை ரூ.49 உயர்ந்து ரூ.8,798 ஆகவும், சவரன் விலை ரூ.392 உயர்ந்து ரூ.70,384 ஆகவும் இருந்தது.

தங்கம் விலை நிலவரம் - வியாழக்கிழமை (13.3.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.55 உயர்ந்து ரூ.8,120 ஆகவும், ஒரு சவரன் விலை ரூ.440 உயர்ந்து ரூ.64,960 ஆகவும் உள்ளது. அதேபோல், 24 காரட் சுத்தத் தங்கம் 1 கிராம் விலை ரூ.60 உயர்ந்து ரூ.8,858 ஆகவும், சவரன் விலை ரூ.480 உயர்ந்து ரூ.70,864 ஆகவும் இருக்கிறது.

வெள்ளி விலை:

சென்னையில் இன்று (13.3.2025) 1 கிராம் வெள்ளி விலை ரூ.1 உயர்ந்து ரூ.110 ஆகவும், ஒரு கிலோ வெள்ளி விலை ரூ.1000 உயர்ந்து ரூ.1,10,000 ஆகவும் விற்பனை ஆகிறது.

காரணம் என்ன?

சர்வதேச பொருளாதார சூழல், ரூபாய் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. தற்போது டாலருக்கு நிகரான ரூபாய் மதிப்பு மீண்டும் வீழ்ச்சியை நோக்கி நகர்ந்து கொண்டிருக்கிறது. அமெரிக்காவின் பொருளாதாரக் கொள்கைகளின் எதிரொலியாக சர்வதேச பங்குச் சந்தைகளில் தொடர்ந்து தடுமாற்றம் நிலவுகிறது. இந்தப் பின்னணியில், பாதுகாப்பான முதலீடு என்ற வகையில் மீண்டும் தங்கத்தின் தேவை அதிகரிக்கத் தொடங்கியிருக்கிறது. இதன் காரணமாக, ஆபரணத் தங்கத்தின் விலை மீண்டும் அதிகரிக்கத் தொடங்கியுள்ளது. இந்தப் போக்கு தொடரலாம் என்று அஞ்சப்படுகிறது.