ஓரியோவுக்கு வயது 112 - பிஸ்கெட் சந்தை யுத்தச் சரித்திரத்தில் சாதனை பிடித்த கதை!

1912-ஆம் ஆண்டு நபிஸ்கோ (Nabisco) நிறுவனம் ஓரியோ குக்கியை அறிமுகம் செய்தது. சாக்கலேட் வேஃபர்ஸுக்குள் இனிப்பு க்ரீம் ஃபில்லிங்குடன் ஓரியோ குக்கி அறிமுகப்படுத்தப்பட்டது. அந்த குக்கி விரைவில் இல்லந்தோறும் விரும்பும் பிராண்ட் ஆனது.

ஆனால், இன்று ஓரியோ தனக்கென தக்கவைத்திருக்கும் அந்த இடம் அத்தனை எளிதாக, போட்டியின்றி கிடைத்துவிடவில்லை.

1908-ம் ஆண்டு ஹைட்ராக்ஸ் (Hydrox) நிறுவனம் சன்ஷைன் பிஸ்கெட்டுகளை அறிமுகப்படுத்தியது. அதுதான் அசல் க்ரீம் ஃபில்டு சாக்கலேட் சாண்ட்விச் குக்கி என்றால் அது மிகையாகாது. அதற்குப் பின் 4 ஆண்டுகள் கழித்துதான் ஓரியோ குக்கி சந்தைக்கு வந்தது.

பிஸ்கெட்டுகளின் ‘சந்தை’ யுத்தம்...

ஹைட்ராக்ஸ் முன்பே ஆரம்பிக்கப்பட்ட நிறுவனமாக இருந்தாலும் கூட ஓரியோவின் சக்திவாய்ந்த மார்க்கெட்டிங் உத்தியும், ருசியில் செய்யப்பட்ட சிறு சிறு வேறுபாடுகளும் அதனை மின்னல் வேகத்தில் மக்கள் மனங்களில் கொண்டு சேர்த்தது.

20-வது நூற்றாண்டின் பாதியில் ஹைட்ராக்ஸ் தயாரிப்பை பின்னுக்குத் தள்ளி ஓரியோ முக்கியத்துவம் பெற்றது. மென்மையான தன்மையும், கூடுதல் இனிப்பும் அதற்குப் பிரதானக் காரணமாக இருந்தது. நாபிஸ்கோவின் பிராண்டிங் மற்றும் அது பரவலாக கிடைக்கச் செய்யப்பட்ட விதமும் அதனை குக்கி சந்தையின் ஹிட் புராடக்ட் ஆக்கியது.

ஓரியோவின் பரிணாம வளர்ச்சி!

ஆண்டுகள் பல உருண்டோடிவிட்ட நிலையில், ஓரியோவும் பல்வேறு பரிணாம வளர்ச்சிகளைக் கண்டுவிட்டது. டபுள் ஸ்ட்ஃப் முதல் மின்ட் மற்றும் பிறந்தநாள் கேக் வரை நிறைய விதவிதமான வித்தியாசமான சுவைகள் வந்துவிட்டன. ஓரியோ அவ்வப்போது அதன் புதுப்பொலிவுகளைத் தழுவிக் கொண்டாலும் அதன் க்ளாசிக் தோற்றத்தையும் கைவிட்டுவிடவில்லை. இதுதான் இந்த பிராண்டை இன்றளவும் சந்தையில் தாக்குப்பிடிக்க வைத்துள்ளது. தலைமுறைகள் கடந்து ஓரியோவுக்கு ரசிகர்கள் இருக்கின்றனர்.

மீண்டெழுந்த ஹைட்ராக்ஸ்...

ஓரியோ சந்தையில் கோலோச்சினாலும்கூட ஹைட்ராக்ஸ்-க்கு என்று தீவிர ரசிகர்களும் இருந்தனர். சன்ஷைன் பிஸ்கெட்ஸ் வேறு ஒரு நிறுவனத்தால் வாங்கப்பட்ட பின்னர் ஹைட்ராக்ஸ் பிராண்ட படிப்படியாக மங்கத் தொடங்கியது.

2015-ல் லீஃப் ப்ராண்ட்ஸ் மூலம் மீண்டெழுந்தது. ஒரிஜினல் குக்கி, ஃப்ரக்டோஸ் கார்ன் சிரப் இல்லாதது, ஹைட்ரோஜினேடட் ஆயில் இல்லாதது என்ற அடையாளத்துடன் மீண்டெழுந்தது. ஆரோக்கிய பிரியர்களைக் குறிவைத்து இந்த பிஸ்கட் மார்க்கெட்டில் மீண்டெழுந்தது.

பாப் கலாச்சாரத்தில் ஓரியோ!

ஓரியோவின் தாக்கம் ஒரு நொறுக்குத் தீனி என்பதையும் தாண்டி டிவி ஷோக்கள், பாடல்களில் இடம்பிடிக்கும் ஒரு பொருளாக பிரபலமானது. பாடல்கள், டிவி ஷோக்களில் ஓரியோவின் பங்கு இன்றியமையாதது ஆனது.

ஓரியோவின் எளிமையான அதேவேளையில் பன்முகத்தன்மை கொண்ட வடிவம் அதனை பல வகைகளிலும் உட்கொள்ள ஏற்றதாக இருந்தது. அதுவே அதனை ஒரு கலாச்சார அடையாளமாக உருவெடுக்க முக்கியக் காரணமானது.

உலகும் முழுவதும் ஓரியோ!

ஓரியோ உலகம் முழுவதும் வியாபித்துள்ளது அதன் வெற்றிக்கான சாட்சி.

100 நாடுகளுக்கும் மேல் ஓரியோ விற்பனை செய்யப்படுகிறது. அந்தந்த உள்ளூர் விருப்பங்களுக்கு ஏற்ப சில மாறுதல்களுடன் விற்பனையாகிறது. சீனாவில் க்ரீன் டீ ஓரியோ விற்கப்படுகிறது. இந்தியாவில் ஆரஞ்சு ஐஸ் ஓரியோ மிகவும் பிரபலம்.

இவ்வாறாக, சர்வதேச தடம் பதித்துள்ளது ஓரியோ. அதனால், கலாச்சார எல்லைகளைக் கடந்து தீர்க்கமாக நிற்கிறது.

நூற்றாண்டு கொண்டாட்டம்!

ஓரியோ தனது நூற்றாண்டு வெற்றியைக் கொண்டாடும் வேளையில், 100 ஆண்டு கால இனிமையான வெற்றிக்கு சாட்சியாக மிளிர்கிறது. அதன் அசல் அடையாளத்துக்கு எந்தவித சேதமும் இல்லாமல் புதுமைகளைக் காலங்காலமாக புகுத்திக் கொண்டே இருப்பதால் ரசிகர்களின் மனதிலும், ருசி உணர்விலும் நீங்கா இடம் பெற்றுள்ளது.

ஒரு போட்டியாளராக சந்தையில் உருவாகி இன்று சர்வதேச அடையாளமாக ஓரியோ மாறியதன் பின்னணியில் பிராண்டிங்கின் சக்தியும், புத்தாக்க சிந்தனையும், கொஞ்சம் அதிர்ஷ்டமும் இருக்கிறது.

ஓரியோவின் எதிர்காலம்:

ஓரியோ புதிய ஃப்ளேவர்களையும், புதுப் புது வியாபார உத்திகளையும் அவ்வப்போது பரிசோதித்துக் கொண்டே தான் இருக்கிறது. லிமிடெட் எடிஷன் ரிலீஸ் என்ற பெயரில் கவனம் ஈர்க்கிறது. அதனால் ஓரியோ மீதான எதிர்பார்ப்பு எப்போதும் உயிர்ப்புடனேயே இருக்கிறது.

வாடிக்கையாளர்களின் விருப்பங்களும் மாறிக்கொண்டே இருக்க, ஓரியோ அதற்கு ஈடுகட்டத் தவறுவதில்லை. எதிர்கால சந்ததியினர் கூட விரும்பும் வகையில்தான் ருசியை மேம்படுத்திக் கொண்டே வருகிறது.

1912-ஆம் ஆண்டு ஓரியோ குக்கீஸ் உருவாக்கப்பட்டதில் இருந்து இப்போது இன்று சர்வதேச குக்கி சந்தையின் அடையாளமாக இருக்கும் காலம் வரை ஒரு குறிப்பிடத்தக்க பயணத்தை கடந்துவந்துள்ளது.

புதிய நூற்றாண்டில் கால அடி எடுத்துவைக்கவுள்ள அதே வேளையில் ஒவ்வொரு புதிய அறிமுகத்திலும் பிராண்டின் வரலாற்றைச் சொல்வதோடு ருசியால் வாடிக்கையாளர்களை மகிழ்விக்கத் தவறுவதே இல்லை.

மூலம்: Nucleus_AI