Stock News: பாதாளம் நோக்கி இந்தியப் பங்குச் சந்தை - சென்செக்ஸ், நிஃப்டி கடும் வீழ்ச்சி!

அமெரிக்கா ஆரம்பித்து வைத்த வரிவிதிப்பு யுத்தத்தின் தாக்கம் நீடிப்பது, வெளிநாடு முதலீட்டாளர்கள் காட்டி வரும் தயக்கம் உள்ளிட்ட காரணங்களால் இந்திய பங்குச் சந்தைகளில் கடும் வீழ்ச்சி தொடர்கிறது.

Wednesday February 12, 2025 , 2 min Read

அமெரிக்கா ஆரம்பித்து வைத்த வரிவிதிப்பு யுத்தத்தின் தாக்கம் நீடிப்பது, வெளிநாடு முதலீட்டாளர்கள் காட்டி வரும் தயக்கம் உள்ளிட்ட காரணங்களால் இந்திய பங்குச் சந்தைகளில் கடும் வீழ்ச்சி தொடர்கிறது. முதல் நாளில், சென்செக்ஸ் 1000+ புள்ளிகள், மறுநாளில் அதே எண்ணிக்கையை நோக்கிய சரிவு என பங்குச் சந்தை படுபாதாளத்தில் இருக்கிறது.

மும்பை பங்குச் சந்தையில் இன்று (பிப்.12) காலை வர்த்தகம் தொடங்கும்போது, சென்செக்ஸ் 274.56 புள்ளிகள் சரிந்து 76,019.04 ஆக இருந்தது. அதேவேளையில், தேசிய பங்குச் சந்தையில் நிஃப்டி 78.45 புள்ளிகள் சரிந்து 22,993.35 ஆக இருந்தது.

நேற்று ஒரே நாளில் சென்செக்ஸ் 1000+ புள்ளிகள் வீழ்ச்சி கண்ட நிலையில், இன்றும் சரிவுப் போக்கு நீடிப்பது முலீட்டாளர்கள் மத்தியில் கலக்கத்தை கூட்டியுள்ளது.

இன்று முற்பகல் 10.45 மணியளவில் சென்செக்ஸ் 603.18 புள்ளிகள் (0.79%) சரிந்து 75,690.42 ஆகவும், நிஃப்டி 175.90 புள்ளிகள் (0.76%) சரிந்து 22,895.90 ஆகவும் இருந்தது.

காரணம் என்ன?

அமெரிக்க பங்குச் சந்தை சற்றே ஏற்றத்துடன் நிலை கொண்டது. ஆசிய பங்குச் சந்தைகளைப் பொறுத்தவரையில் ஷாங்காயில் மட்டும் இறக்கம் நிலவுகிறது. சியோல், டோக்கியோ மற்றும் ஹாங்காங் பங்குச் சந்தைகள் ஏறுமுகம் கண்டுள்ளன.

அமெரிக்க அதிபர் தொடங்கிவைத்த வரிவிதிப்பு யுத்தத்தின் தாக்கம் நீடிக்கிறது. உலக நாடுகளின் கரன்சி மதிப்புகளில் நிலையற்ற தன்மை, பொருளாதார வீழ்ச்சி அபாயம் முதலானவை இந்தியப் பங்குச் சந்தைகளிலும் எதிரொலித்து வருகிறது. இந்தப் போக்குடன், வெளிநாட்டு முதலீட்டாளர்கள் ஆர்வம் காட்டாததும் கவனிக்கத்தது.

ஏற்றம் காணும் பங்குகள்:

டெக் மஹிந்திரா

ஹிந்துஸ்தான் யூனிலீவர்

டிசிஎஸ்

எல் அண்ட் டி

சன் பார்மா

பஜாஜ் ஃபின்சர்வ்

இறங்கு முகம் காணும் பங்குகள்:

இன்போசிஸ்

ஹெச்சிஎல் டெக்னாலஜிஸ்

பாரதி ஏர்டெல்

ரிலையன்ஸ் இண்டஸ்ட்ரீஸ்