Gold Rate Chennai: மீண்டும் ஷாக்; தங்கம் விலை வரலாறு காணாத உச்சம் - சவரன் ரூ.62,480!

தங்கம் விலை மீண்டும் வரலாறு காணாத உச்சத்தை எட்டியிருப்பது, நகை வாங்குவோருக்கு பெரும் அதிர்ச்சியை தந்துள்ளது. ஒரே நாளில் ரூ.840 அதிகரித்து சவரனுக்கு ரூ.62,480 என விற்பனை ஆகிறது.

சென்னையில் திங்கள்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.40 குறைந்து ரூ.7,705 ஆகவும், ஒரு சவரன் விலை ரூ.320 குறைந்து ரூ.61,640 ஆகவும் இருந்தது. அதேபோல், 24 காரட் சுத்தத் தங்கம் 1 கிராம் விலை ரூ.44 குறைந்து ரூ.8,405 ஆகவும், சவரன் விலை ரூ.352 குறைந்து ரூ.67,240 ஆகவும் இருந்தது. இந்நிலையில், தங்கம் விலை புதிய உச்சம் கண்டுள்ளது.

தங்கம் விலை நிலவரம் - செவ்வாய்க்கிழமை (4.2.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.105 அதிகரித்து ரூ.7,810 ஆகவும், ஒரு சவரன் விலை ரூ.840 அதிகரித்து ரூ.62,480 ஆகவும் உள்ளது. அதேபோல், 24 காரட் சுத்தத் தங்கம் 1 கிராம் விலை ரூ.115 உயர்ந்து ரூ.8,520 ஆகவும், சவரன் விலை ரூ.920 அதிகரித்து ரூ.68,160 ஆகவும் உள்ளது.

வெள்ளி விலை:

சென்னையில் இன்று (4.2.2025) 1 கிராம் வெள்ளி விலை ரூ.1 குறைந்து ரூ.106 ஆகவும், ஒரு கிலோ வெள்ளி விலை ரூ.1,000 குறைந்து ரூ.1,06,000 ஆகவும் விற்பனை ஆகிறது.

காரணம் என்ன?

சர்வதேச பொருளாதார சூழல், ரூபாய் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. சர்வதேச அளவில் தங்கத்தின் தேவை அதிகரித்து வருகிறது. அமெரிக்க டாலருக்கு நிகரான ரூபாய் மதிப்பு கடும் வீழ்ச்சி கண்டு வருகிறது. அமெரிக்க அதிபர் ட்ரம்ப்பின் அதிரடி நடவடிக்கைகள் உள்ளிட்ட சர்வதேச சந்தைப் போக்குகளின் எதிரொலியாக, தற்போதைய சூழலில் பாதுகாப்பான முதலீடாக தங்கத்தை நோக்கி மக்கள் நகர்ந்துள்ளனர்.

சர்வதேச சந்தையில் தங்கத்தின் தேவை அதிகரித்து வரும் சூழலில், மத்திய பட்ஜெட்டில் தங்கம் மீதான இறக்குமதி வரி வெகுவாக குறைக்கப்படும் என்று எதிர்பார்க்கப்பட்டது. ஆனால், தங்கம் மீதான இறக்குமதி வரி எதிர்பார்த்த அளவுக்கு குறைக்கப்படாததால் தற்போது வரலாறு காணாத விலை உயர்வு நிலவுவதாக வர்த்தகர்கள் கூறுகின்றனர்.

தங்கம் விலை @ சென்னை

> 22 காரட் தங்கம் 1 கிராம் - ரூ.7,810 (ரூ.105 உயர்வு)

> 22 காரட் தங்கம் 8 கிராம் - ரூ.62,480 (ரூ.840 உயர்வு)

> 24 காரட் தங்கம் 1 கிராம் - ரூ.8,520 (ரூ.115 உயர்வு)

> 24 காரட் தங்கம் 8 கிராம் - ரூ.68,160 (ரூ.920 உயர்வு)

தங்கம் விலை @ மும்பை

> 22 காரட் தங்கம் 1 கிராம் - ரூ.7,810 (ரூ.105 உயர்வு)

> 22 காரட் தங்கம் 8 கிராம் - ரூ.62,480 (ரூ.840 உயர்வு)

> 24 காரட் தங்கம் 1 கிராம் - ரூ.8,520 (ரூ.115 உயர்வு)

> 24 காரட் தங்கம் 8 கிராம் - ரூ.68,160 (ரூ.920 உயர்வு)