Stock News: இந்திய பங்குச் சந்தையில் வீழ்ச்சி - சென்செக்ஸ் 450+ புள்ளிகள் சரிவு!

சர்வதேச சந்தைப் போக்குகளின் பாதகமான சூழல்களின் எதிரொலியாக இந்தியப் பங்குச் சந்தைகளில் கடும் வீழ்ச்சி நிலவுகிறது. முற்பகலில் சென்செக்ஸ் 450+ புள்ளிகள் வீழ்ச்சி கண்டிருந்தது.

Monday February 17, 2025 , 1 min Read

சர்வதேச சந்தைப் போக்குகளின் பாதகமான சூழல்களின் எதிரொலியாக இந்தியப் பங்குச் சந்தைகளில் கடும் வீழ்ச்சி நிலவுகிறது. முற்பகலில் சென்செக்ஸ் 450+ புள்ளிகள் வீழ்ச்சி கண்டிருந்தது.

மும்பை பங்குச் சந்தையில் இன்று (பிப்.17) காலை வர்த்தகம் தொடங்கும்போது, சென்செக்ஸ் 297.8 புள்ளிகள் சரிந்து 75,641.41 ஆக இருந்தது. அதேவேளையில், தேசிய பங்குச் சந்தையில் நிஃப்டி 119.35 புள்ளிகள் சரிந்து 22,809.90 ஆக இருந்தது.

வர்த்தகத் தொடக்கத்தில் இருந்தே கடும் சரிவை சந்தித்து வருவது முதலீட்டாளர்கள் மத்தியில் மென்மேலும் கலக்கத்தை ஏற்படுத்தி வருகிறது.

இன்று முற்பகல் 10.40 மணியளவில் சென்செக்ஸ் 477.90 புள்ளிகள் (0.63%) சரிந்து 75,461.31 ஆகவும், நிஃப்டி 172.40 புள்ளிகள் (0.75%) சரிந்து 22,756.85 ஆகவும் இருந்தது.

காரணம் என்ன?

அமெரிக்க பங்குச் சந்தை இன்று இறக்கத்துடன் நிலை கொண்டது. ஆசிய பங்குச் சந்தைகளில் ஓரளவு சாதகப் போக்கு நிலவி வருகிறது. அமெரிக்க அதிபர் தொடங்கிவைத்த வரிவிதிப்பு யுத்தத்தின் தாக்கம் நீடிக்கிறது. உலக நாடுகளின் கரன்சி மதிப்புகளில் நிலையற்ற தன்மை, பொருளாதார வீழ்ச்சி அபாயம் முதலானவை இந்தியப் பங்குச் சந்தைகளிலும் எதிரொலித்து வருகிறது. குறிப்பாக, வெளிநாட்டு முதலீட்டாளர்கள் முதலீடு செய்வதில் காட்டி வரும் தயக்கத்தின் எதிரொலியாகவும் இந்தியப் பங்குச் சந்தைகளில் தடுமாற்றம் நீடிக்கிறது.